КАРМИШИН Дмитрий Дмитриевич
КАРМИШИН Дмитрий Дмитриевич [4.11.1926, БАССР‑ҙың Бәләбәй кантоны Предтечино а. (БР‑ҙың Шаран районы) — 7.11.1956, Будапешт, Львов ҡ. ерләнгән], лётчик, гвардия капитаны (1956). Советтар Союзы Геройы (1956). 1956 й. Венгрияла хәрби хәрәкәттәрҙә ҡатнашыусы. К.Е.Ворошилов исемендәге Беренсе Чкалов хәрби авиация лётчиктар училищеһын тамамлаған (1948). 1943 й. алып Совет армияһында. Герой исеменә Көньяҡ ғәскәрҙәр төркөмө 177‑се гвардия бомбардировка авиацияһы дивизияһы 880‑се гвардия бомбардировка авиацияһы полкының эскадрилья штурманы гвардия капитаны К. Будапешт ҡ. өҫтөндә һауа разведкаһы үткәргәндә күрһәткән батырлығы өсөн лайыҡ була. Ленин ордены менән бүләкләнгән (1956). Шаран районы Дмитриева Поляна а. К. исеме урамға бирелгән, ул уҡыған мәктәп бинаһына һәм Преображенский а. ул йәшәгән йортҡа мемориаль таҡтаташтар ҡуйылған, Шаран а. урамға уның исеме бирелгән, уға иҫтәлекле плита ҡуйылған.
Әҙәб.: У с л и н с к и й Г. Живой родник //Славные сыны Башкирии. Кн.4. Уфа, 1979.
Ғ.Һ.Булатов, А.Н.Пинтсон
Тәрж. М.Х.Хужин