ҠАЛМЫЯБАШ, Ҡалтасы р‑нындағы ауыл

ҠАЛМЫЯБАШ, Ҡалтасы р‑нындағы ауыл, Ҡалмыябаш а/с үҙәге. Район үҙәгенән К.‑Көнс. 15 км һәм Яңауыл т. юл ст. К. табан 60 км алыҫлыҡта Ҡалмыя й. (Тере Танып й. ҡушылдығы) буйында урынлашҡан. Халҡы: 1906 й. — 415 кеше; 1920 — 363; 1939 — 381; 1959 — 313; 1989 — 368; 2002 — 413; 2010 — 351 кеше. Мариҙар йәшәй (2002). Төп мәктәп (Бабай урта мәктәбе филиалы), балалар баҡсаһы, фельдшер-акушерлыҡ пункты, мәҙәниәт йорто, китапхана бар.

Ауылға 19 б. башында Бөрө өйәҙе Эске-Йылан улусы башҡорттарының аҫаба ерҙәрендә керҙәшлек килешеүе б‑са мариҙар (улар һуңынан типтәрҙәр ҡатламына күскән) нигеҙ һала. Исеме гидронимға бәйле. 1865 й. 35 йортта 216 кеше йәшәгән. Игенселек, малс‑ҡ м‑н шөғөлләнгәндәр. 3 һыу тирмәне булған. 1906 й. һыу тирмәне, бакалея кибете теркәлгән.

Ә.З.Әсфәндиәров

Тәрж. Р.Ғ.Ғилманов