МЕБЕЛЬ СӘНӘҒӘТЕ
МЕБЕЛЬ СӘНӘҒӘТЕ, торлаҡ һәм йәмәғәт биналары өсөн мебель етештергән ағас эшкәртеү сәнәғәте тармағы. 20 б. башында Өфө губернаһында һөнәрселек кәсебе яйға һалына: ағас һандыҡ, өҫтәл, буфет, ултырғыс, эскәмйәләр һ.б. етештерелә. Мебель имән, ҡарағай һ.б. ағастарҙан аҙ күләмдә, даналап етештерелгән. Тышлау өсөн натураль тире, төрлө туҡымалар файҙаланылған. Күп кенә ауылдарҙа мебелде тал сыбығынан үреп яһағандар. Индустриялаштырыу йылдарында ҡала халҡының һаны артып китеү м-н мебелгә ихтыяж арта. 40-сы йй. аҙ. мебель етештереү Черниковка фанер комб-тында, ҡайһы бер урман з-дтары һәм сәнәғәт комб-ттарында ойошторола. 1956–59 йй. респ. составында Благовещен, Ғафури, Иглин, Октябрьский, Стәрлетамаҡ, 1-се һәм 2-се Өфө мебель ф-калары, башҡа пр-тиелар булған мебель һәм ағас эшкәртеү сәнәғәте идаралығы эшләй. 50-се йй. мебелде йәбештерелгән фанеранан, 60-сы йй. – секциялы йыйылмалы һәм һүтелмәле мебель йыйылмаһын етештереү башлана. Мебель производствоһында ҡиммәтле ағас шпондары, лак, пластик, декоратив плёнка, поролон, металл каркастар, яһалма күн һ.б. м-н ҡапланған ағас-юнысҡы һәм ағас- сүс плиталар ҡулланыла башлай (ҡара: Ағас плита). 2004 й. М.с. 200 пр-тие һанала, ш. иҫ. “Баймаҡ- мебель”, “Башлеспром”, “Башмебель”, Күмертау мебель фабрикаһы, Октябрьский мебель фабрикаһы, Стәрлетамаҡ мебель комбинаты. 2012 й. мебель 213 етештереүсе, ш. иҫ. “Ағиҙел-М” ЯСЙ, “Башмебель- плюс” ЯСЙ, “Медстальконструкция” ЯСЙ (икеһе лә – Өфө), “Уфамебель” ЯСЙ, “Фабрика мебели” ЯСЙ (Туймазы ҡ.) тарафынан сығарылған. Мебель етештереүҙә сығарылған продукцияның дөйөм күләменең 44,2%-ы бәләкәй эшҡыуарлыҡҡа тура килә (2012). БР-ҙа мебель етештереү динамикаһын табл. ҡарағыҙ. Продукцияһы БР-ҙа һәм РФ-тың башҡа төбәктәрендә һатыла.
Башҡортостан Республикаһында мебель етештереү,
төрҙәре б-са, дана
|
2000 |
2005 |
2010 |
2012 |
Өҫтәлдәр |
42053 |
52488 |
249281 |
466081 |
Ултырғыстар |
86538 |
137991 |
14119 |
31904 |
Табуреттар |
19864 |
13994 |
– |
– |
Шкафтар |
23184 |
50694 |
592222 |
966442 |
Диван, тахта, кушеткалар |
2293 |
8255 |
8528 |
6817 |
Диван-карауаттар |
2800 |
728 |
3356 |
2232 |
Ағас карауаттар |
7286 |
7519 |
16598 |
52801 |
Гарнитурҙар |
5419 |
324 |
– |
– |
Креслолар |
11698 |
37590 |
3236 |
23538 |
1 Кухня, аш бүлмәһе һәм ҡунаҡ бүлмәһе өсөн өҫтәлдәр
2 Кухня, йоҡо бүлмәһе, аш һәм ҡунаҡ бүлмәләре өсөн шкафтар
Тәрж. Г.Ҡ.Ҡунафина