Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

МИХЛЯЕВ Степан Андреевич

Просмотров: 1294

МИХЛЯЕВ Степан Андреевич [10.12.1919, Өфө губ. Златоуст өйәҙе Дыуан а. (БР‑ҙың Дыуан р‑ны) — 28.3.2001, шунда уҡ], артиллерист, майор. Советтар Союзы Геройы (1944). РСФСР‑ҙың атҡ. уҡытыусыһы (1957). Б.В. һуғышында ҡатнашыусы. В.И.Ленин ис. Мәскәү хәрби‑сәйәси уч‑щеһын (1941), К.А.Тимирязев ис. Башҡ. пед. ин‑тын (1948) тамамлаған. 1939 й. алып Совет Армияһында. 1941 й. алып Брянск, Воронеж, Үҙәк һәм 1‑се Украина фронттарында хеҙмәт итә. Герой исеменә 13‑сө армия 24‑се уҡсылар корпусы 350‑се уҡсылар див. 917‑се артиллерия полкының 2‑се артиллерия дивизионы ком. майор М. 1944 й. 29 июлендә көнбайыш Буг, Сан, Висла йй. кискәндә һәм һул яр плацдармын һаҡлап ҡалыуҙа күрһәткән батырлығы өсөн лайыҡ була. 1946 й. алып запаста. 1948 й. алып Дыуан урта мәктәбенең уҡыу‑уҡытыу бүлеге мөдире, 1951—83 йй. директоры. Ленин (1944), Ҡыҙыл Байраҡ (1943, 1945), Александр Невский (1945), 1‑се (1985) һәм 2‑се (1944) дәрәжә Ватан һуғышы, Ҡыҙыл Йондоҙ (1943) орд. м‑н бүләкләнгән. Дыуан а. урамға М. исеме бирелгән, ул йәшәгән йортҡа мемориаль таҡтаташ ҡуйылған.

Илл.: С.А.Михляев.

Н.И.Черепанова

Тәрж. М.Х.Хужин

Дата публикации: 10.10.2019
Дата последнего обновления публикации: 28.10.2022