Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ЛОСКУТОВ Виктор Георгиевич

Просмотров: 1084

ЛОСКУТОВ Виктор Георгиевич (27.9.1923, БАССР‑ҙың Бөрө кантоны Яңауыл ҡсб, хәҙ. Яңауыл ҡ., — 23.2.1970, Калининград ҡ.), лётчик, майор (1960). Советтар Союзы Геройы (1945). Б.В. һуғышында һәм совет-япон һуғышында ҡатнашыусы. Хәрби-диңгеҙ авиация уч‑щеһын (1944) һәм Хәрби-диңгеҙ флотының Юғары офицерҙар осоу-тактика курстарын (1952) тамамлаған. 1941 й. алып Совет Армияһында. 1944 й. майынан Ҡара диңгеҙ, Балтик һәм Тымыҡ океан флоттарында хеҙмәт итә. Герой исеменә Тымыҡ океан флоты Хәрби һауа көстәре 10‑сы пикелаусы бомбардировщиктар авиация див. 34‑се яҡын бомбардировка авиация полкы лётчигы лейт. Л. 1945 й. 10—15 авг. Расин портында (Наджин ҡ., Корея) Японияның хәрби кораблдәрен юҡ иткәне өсөн лайыҡ була. Запасҡа сыҡҡандан һуң (1962) “Храброво” аэродромы (Калининград өлк.) эргәһендәге авиаоҫтаханалар дир. булып эшләй. Ленин (1945), Ҡыҙыл Байраҡ (1944, 1945) орд. м‑н бүләкләнгән. Яңауылда Л. уҡыған мәктәп бинаһына мемориаль таҡтаташ ҡуйылған.

Ғ.Һ.Булатов, А.Р.Вәлиуллин

Тәрж. Ф.Ә.Ҡылысбаев

 

 

Дата публикации: 10.10.2019
Дата последнего обновления публикации: 11.04.2023