Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ЛӘМӘҘ, Дыуан р‑нындағы ауыл

Просмотров: 336

ЛӘМӘҘ, Дыуан р‑нындағы ауыл, Ләмәҙ а/с үҙәге. Район үҙәгенән Т.‑Көнб. табан 45 км һәм Һилейә т. юл ст. (Силәбе өлк.) 120 км алыҫлыҡта Ләмәҙ й. (Әй й. ҡушылдығы) буйында урынлашҡан. Халҡы: 1906 й. — 428 кеше; 1920 — 541; 1939 — 398; 1959 — 373; 1989 — 411; 2002 — 483; 2010 — 531 кеше. Урыҫтар йәшәй (2002). Төп мәктәп (Дыуан урта мәктәбе филиалы), балалар баҡсаһы, фельдшер‑акушерлыҡ пункты, мәҙәниәт йорто, китапхана бар. Ауылға Троицк өйәҙе Дыуан улусы башҡорттарының аҫаба ерҙәрендә 1788 й. керҙәшлек килешеүе б‑са Пермь наместниклығының дәүләт крәҫтиәндәре нигеҙ һала. 1795 й. 8 йортта 74 кеше йәшәгән, 1865 й. 50 йортта — 331 кеше. Игенселек, умарт‑ҡ м‑н шөғөлләнгәндәр. 6 һыу тирмәне булған. 1906 й. сиркәү (1884 й. төҙөлгән), сиркәүәхәллә мәктәбе, 4 тимерлек теркәлгән. 1920 й. алып Үрге Ләмәҙ булараҡ теркәлгән (19 б. аҙ. — 20 б. уртаһында Түб. Ләмәҙ бүлендек ауылы булған), 1959 й. башлап хәҙ. исемен йөрөтә. А.И.Чухарев ошо ауылда тыуған.

Н.И.Черепанова,Ә.З.Әсфәндиәров

Тәрж. Р. Ғ.Ғилманов


Дата публикации: 10.10.2019
Дата последнего обновления публикации: 17.10.2019
Связанные статьи: