МӘНЕҮ, Ауырғазы р‑нындағы ауыл
МӘНЕҮ, Ауырғазы р‑нындағы ауыл, Мәҫәле а/с ҡарай. Район үҙәгенән К.‑Көнб. 22 км һәм Стәрлетамаҡ т. юл ст. Т.‑Көнб. табан 33 км алыҫлыҡта Мәҫәле й. (Ҡуғанаҡ й. ҡушылдығы) буйында урынлашҡан. Халҡы: 1906 й. — 770 кеше; 1920 — 826; 1939 — 676; 1959 — 669; 1989 — 434; 2002 — 373; 2010 — 360 кеше. Сыуаштар йәшәй (2002). Фельдшер-акушерлыҡ пункты, клуб бар. Ауылға 1770 й. Нуғай даруғаһы Меркет‑Мең улусы башҡорттарының аҫаба ерҙәрендә керҙәшлек килешеүе б‑са яңы суҡындырылған сыуаштар нигеҙ һала. Тәүге төпләнеүсе Мәнеү (суҡындырылғандан һуң Максим Филиппов) исеме м‑н аталған. 1795 й. 320 кеше иҫәпкә алынған, 1865 й. 70 йортта 471 кеше йәшәгән. Игенселек, малс‑ҡ, умарт‑ҡ м‑н шөғөлләнгәндәр. 1906 й. бакалея кибете, мөгәзәй теркәлгән. Н.М.Никитин ошо ауылда тыуған.
М.Х.Сафин, М.С.Әминова, Ә.З.Әсфәндиәров
Тәрж. Р.Ғ.Ғилманов