Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

НИЯЗҒОЛ, Әбйәлил р‑нындағы ауыл

Просмотров: 626

НИЯЗҒОЛ, Әбйәлил р‑нындағы ауыл, Ташбулат а/с ҡарай. Район үҙәгенән Т.‑Көнс. 56 км һәм Ташбулат т. юл ст. Т.‑Көнб. табан 10 км алыҫлыҡта урынлашҡан. Халҡы: 1900 й. — 235 кеше; 1920 — 155; 1939 — 136; 1959 — 230; 1989 — 181; 2002 — 186; 2010 — 168 кеше. Башҡорттар йәшәй (2002). Башланғыс мәктәп (Яңы Балапан урта мәктәбе филиалы), клуб бар. Ауылға 18 б. уртаһында Нуғай даруғаһы Тамъян улусы башҡорттары үҙ ерҙәрендә нигеҙ һала. Тәүге төпләнеүсе Ниязғол Әкенсеков исеме м‑н аталған. 1795 й. 18 йортта 87 кеше йәшәгән, 1866 й. 20 йортта — 157 кеше. Шулай уҡ Китек, Ҡатыҡ булараҡ билдәле булған. Малс‑ҡ, игенселек м‑н шөғөлләнгәндәр. 20 б. 60‑сы йй. ауылға 20‑се йй. нигеҙ һалынған Ниязғол руднигы ҡасабаһы ҡушылған. Ауыл эргәһендәге Ҡырҡтытау һырты һәм уның Бабай, Ҡушый һәм Һандыҡ тауҙары — тәбиғәт ҡомартҡыһы.  

Тәрж. Р.Ғ.Ғилманов

Дата публикации: 10.10.2019
Дата последнего обновления публикации: 17.10.2019