ӘСӘҘУЛЛИНА Индира Илдус ҡыҙы
ӘСӘҘУЛЛИНА Индира Илдус ҡыҙы (9.7.1973, БАССР‑ҙың Шишмә р‑ны Шишмә эшселәр ҡсб), пианист. БР‑ҙың халыҡ (2017) һәм атҡ. (2008) артисы. ӨДСИ‑не (1998; С.А.Дукачёв класы), уның эргәһендәге ассистентура‑стажировканы тамамлаған (2001; Э.Р.Симонова класы). 1992 й. алып Башҡорт хореография уч‑щеһы, 1997 й. февр. — БДОБТ концертмейстеры, нояб. — концертмейстер‑аккомпаниаторы, 2014 й. башлап Башҡорт филармонияһының муз.‑әҙәби лекторийы художество етәксеһе, бер үк ваҡытта 1998—2012 йй. ӨДСИ‑лә концертмейстер һәм уҡытыусы, 2000—04 йй. урта махсус музыка колледжы концертмейстеры, 2013 й. алып БАДТ оркестры артисы.
Ә. башҡарыу сәнғәтенә нескә музыкаллек, стилде тойоу, виртуозлыҡ, үҙенсәлекле интерпретация һәм ансамбль оҫталығы хас. Репертуарында сит ил, урыҫ, башҡорт композиторҙары әҫәрҙәре бар. Р.Х.Ғәзизовтың Оркестр м‑н фп. өсөн концертиноһын (1988), ш. уҡ Н.Ә.Дауытов, С.Ә.Низаметдинов, Р.Х.Сәхәүетдинова, И.И.Хисаметдинов һ.б. әҫәрҙәрен тәүге башҡарыусы. Рәсәй буй‑лап гастролдәрҙә була. Асыҡ респ. йәш музыканттарҙың смотр‑конкурсы лауреаты (Өфө, 1989); Респ. йәш музыканттар конкурсы (2003), Ғ.Әлмөхәмәтов ис. Асыҡ респ. вокалистар конкурсы (2006), З.Исмәғилев ис. Халыҡ‑ара башҡарыусы‑музыканттар конкурсы һ.б. дипломанты (2007, 2011; бөтәһе лә — Өфө, “Иң яҡшы концертмейстер” номинацияһы).
В.А.Симонова
Тәрж. Ә.Н.Аҡбутина