МАРЧУКОВ Евгений Ювенальевич

МАРЧУКОВ Евгений Ювенальевич (26.7.1956, Мәскәү ҡ.), инженер‑механик. РФА‑ның мөхбир ағзаһы (2022), техник фәндәр докторы (1999), профессор (2007). РФ‑тың атҡаҙанған уйлап табыусыһы (2005), почётлы авиатөҙөүсе (2006). Мәскәү авиация институтын тамамлаған (1979). 1978 й. алып «“Сатурн” ҒПБ» ААЙ‑нда (Мәскәү ҡ.): һыҙмасы‑конструктор,1979 й. башлап инженер, 1981 й. — инженер‑конструктор, 1988 й. — төп конструктор, 1989 й. — һынауҙар буйынса баш конструктор урынбаҫары, 1995 й. —генераль конструкторҙың 1‑се урынбаҫары, баш конструктор, 2003 й. — техник директор—генераль конструкторҙың 1‑се урынбаҫары—филиал директоры, 2005 й. — генераль директор урынбаҫары, Фәнни‑техник үҙәк директоры урынбаҫары—тәжрибә КБ начальнигы, 2006 й. — Фәнни‑техник үҙәк генераль конструкторы урынбаҫары—директор урынбаҫары, изделиелар буйынса программа директоры, 2008 й. — генераль конструктор урынбаҫары—изделиелар буйынса программалар директоры, 2009 й. — генераль конструктор, 2010 й. алып “А.Люлька исемендәге фәнни‑техник үҙәк” генераль конструкторы—“А.Люлька исемендәге фәнни‑техник үҙәк” филиалы директоры. 2013 й. башлап “ОДК‑УМПО” асыҡ АЙ филиалы (Мәскәү ҡ.)—“А.Люлька исемендәге тәжрибә КБ” филиалы генераль конструкторы—директоры. Фәнни эшмәкәрлеге манёврлы авиация өсөн авиация двигателдәрен һәм стационар газ турбиналы двигателдәр уйлап табыуға, һынауға һәм уларҙы файҙаланыуға арналған. М. етәкселегендә П.О.Сухой исемендәге тәжрибә КБ (Мәскәү ҡ.) самолёттары өсөн АЛ‑31‑ФП, АЛ‑41‑Ф‑1, АЛ‑41‑Ф‑1С авиация двигателдәре эшләнгән. А.Н.Туполев исемендәге халыҡ‑ара премия лауреаты (2021), БР‑ҙың фән һәм техника өлкәһендәге Дәүләт премияһы лауреаты (2022). Почёт ордены менән бүләкләнгән (2017).

  Х е ҙ м.: Конверсия высокотемпературного авиационного двигателя. М., 1998; Волновые технологии и их использование при разработке месторождений нефти с трудноизвлекаемыми запасами. М., 2012 (авторҙ.); Особенности эксплуатации подшипников газотурбинных двигателей. М., 2018 (авторҙ.).

Тәрж. Г.У.Кәбирова