“БЕҘҘЕҢ ЮЛ”, гәзит
“БЕҘҘЕҢ ЮЛ”, ижтимағи‑сәйәси гәзит. Өфө мосолман милли советы, 1917 й. 29 октябренән алып Өфө губерна крәҫтиән депутаттары советы, башҡ.‑тат. социалист‑революционерҙары һәм Өфө мосолман хәрби комитеты, 1918 й. мартынан Урал‑Волга штаттарын ойоштороу комитетының Өфө бүлексәһе органы. Өфө ҡ. төрки телендә сыға. “Ауыл халҡы”, “Ирек”, “Һалдат теләге” гәзиттәрен берләштерә. 1917 й. 21 сентябренән алып 1918 й. 28 мартына тиклем “Көрәштә үҙ хоҡуҡтарыңа өлгәшерһең!” лозунгыһы аҫтында нәшер ителә. Барлығы 36 һаны сыға. Өфө губерна советына һайлауҙар ойоштороуҙа һәм үткәреүҙә ҙур роль уйнай. “Б.ю.” совет власы, революция тураһында мәҡәләләр баҫыла, большевизм идеялары пропагандалана. Мөхәррирҙәре: Ғәлим.Ғ.Ибраһимов, Ғ.Х.Алпаров.
Тәрж. Р.М.Шәрипова