Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ФАРМАЦЕВТИКА ХЕҘМӘТЕ

Просмотров: 1149

ФАРМАЦЕВТИКА ХЕҘМӘТЕ, дауалау‑иҫкәртеү учреждениеларын һәм халыҡты дарыуҙар, мед. тәғәйенләнешле изделиелар, гигиена предметтары һ.б. м‑н тәьмин итеүҙе тормошҡа ашырған дәүләт учреждениелары һәм предприятиелары системаһы. Башҡортостанда 1918 й. алып Өфө губ. мед.‑санитария бүлеге эргәһендә фарм. бүлексәһе, 1919 й. башлап БАССР Һаулыҡ һаҡлау ХК эргәһендә респ. мед. тәьминәтенең санитария бүлеге эшләй. 1926 й. Өфөлә үҙәк дарыухана склады, Белорет, Бөрө, Бәләбәй, Стәрлетамаҡ ҡҡ. дарыухана складтары, фарм. лаб. һәм 20 дарыухана (ш. иҫ. Өфөлә 7) була. 1937 й. 88 дарыухана (ш. иҫ. ауыл ерендә 51); 40‑сы йй. башында 100 дарыухана һәм 100‑ҙән ашыу дарыухана пункты, 3 дарыухана магазины, контроль‑аналитик лаб. иҫәпләнә; 400‑гә яҡын белгес эшләй. 70‑се йй. башына 300‑гә яҡын дарыухана (ш. иҫ. ауыл ерендә 62), күҙлектәр әҙерләү һәм һатыу б‑са 3 махсус магазин, дарыуханаларҙа 11 оптика бүлеге, 160‑ҡа яҡын ваҡлап һатыу бүлексәһе, 2000‑дән ашыу ауыл дарыухана пункты эшләй. 90‑сы йй. аҙ. алып фарм. эшмәкәрлекте, дарыуҙарҙың сифатын, һөҙөмтәлелеген һәм хәүефһеҙлеген норматив‑хоҡуҡи көйләү м‑н БР Һаулыҡ һаҡлау министрлығының фарм. эшмәкәрлекте һәм клиник фармакол. ойоштороу бүлеге; дарыуҙар әйләнеше, фарм. эшмәкәрлекте лицензиялау, дарыу препараттарының ассортименты, хаҡтары мониторингыһы һ.б. өлкәләрҙә контроль һәм күҙәтеү м‑н Рәсәй Федерацияһы һаулыҡ һаҡлау өлкәһендә күҙәтеү б‑са федераль хеҙмәттең БР б‑са идаралығы шөғөлләнә. Республикала “Башфармация” ДУП‑ы, муниц. дарыуханалар, хосуси коммерция фарм. ойошмалары һәм эсенә 1000‑дән ашыу дарыухана ингән 18 дарыухана селтәре эшләй (2010).

Л.Ф.Лозовая, С.И.Рәхмәтуллин

Тәрж. Г.Ҡ.Ҡунафина

 

Дата публикации: 10.10.2019
Дата последнего обновления публикации: 17.10.2019