Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ДАРЫУХАНАЛАР

Просмотров: 1365

ДАРЫУХАНАЛАР(гр. apothеkе — склад), дарыуҙарҙы, гигиена әйберҙәрен һәм башҡа мед. тауарҙарын әҙерләү, һаҡлау һәм һатыуҙы ғәмәлгә ашырған һаулыҡ һаҡлау учреждениелары. Өфөлә 1787 й. — тәүге Б.Миллерҙың хосуси Д., 1807 й.  хөкүмәт Д. асыла. 1880 й. Өфөлә һәм 1881 й. Стәрлетамаҡ ҡ. тәүге земство Д. (ҡара: Земство медицинаһы)булдырыла. 1897 й. Өфө губернаһында 7 земство һәм 6 хосуси Д. була (16 фармацевт эшләй). 1916 й. халыҡты дарыуҙар м‑н 32 хосуси Д. тәьмин итә. РСФСР ХКС‑ының “Дарыуханаларҙы национализациялау тураһында” (1918) декретына ярашлы, хосуси Д. национализациялана. 1920 й. Өфө губ. ҡалаларында — 56, ш. иҫ. дауаханалар эргәһендә — 24, мед. участкалары эргәһендә  19 Д. (56 фармацевт, шуларҙың 36‑һы Өфөлә) эшләй. 1945 й. Д. һаны 108‑гә етә, 1950 й. — 146 (1092 Д. хеҙм‑ре, шуларҙың 537‑һе фармацевт). 1960—65 йй. БАССР‑ҙа – 109, ш. иҫ. ауыл ерендә — 80 Д. асыла. 90‑сы йй. башынан респ. хосуси Д. селтәрҙәре үҫеш ала: “Ваше здоровье” (ҡара: “Валеро”), “36,6” (ҡара: “ЛеММ”), “Фармленд”һ.б. 2010 й. респ. “Башфармация”пр‑тиеһы составында 173 дәүләт Д. була, ш. уҡ 4 муниц. һәм башҡа милек формаһында 400‑гә яҡын (филиалдары м‑н 1700 тирәһе) Д. эшләй. Шулай уҡ ҡара: Фармацевтика хеҙмәте.

И.М.Заһиҙуллин, О.С.Мартынюк

Тәрж. Г.Ҡ.Ҡунафина

Дата публикации: 10.10.2019
Дата последнего обновления публикации: 17.10.2019