ФОЛЬКЛОР ФОРМУЛАЛАРЫ
ФОЛЬКЛОР ФОРМУЛАЛАРЫ, традицион, нығынған, ритмик тәртиптәге һүҙ конструкциялары. Ф.ф. фольклор поэтикаһының характерлы күренештәренең береһе булараҡ традицияның мөһим терәге булып тора. Тамамланған фекер итеп бирелә. Ф.ф. төрҙәре 1) инициаль (башлаусы), мәҫ., бәйеттәрҙең башы: “Бисмилла итеп башланым был бәйеттең баштарын”, әкиәт башы һ.б.; 2) медиаль, мәҫ., батырҙарҙың үҫеүе формулаһы: “Көн үҫәһен сәғәт үҫкән” һ.б.; 3) финал, мәҫ., әкиәттәрҙең традицион тамамланыуы: “Әкиәтем ары, үҙем бире” һ.б. Әҫәрҙән әҫәргә, жанрҙан жанрға күсәләр, мәҫ., дошмандарҙың эпостағы һәм әкиәттәге диалог формулаһы: “Алыштанмы, атыштанмы?”. Ф.ф. фольклор тексын хәтерләүгә һәм уны традициялар сиктәрендә артабан тапшырыуға булышлыҡ итә.
Г.Р.Хөсәйенова
Тәрж. Р.Ә.Сиражитдинов