ЭЛЕКТР ТЕХНИКАҺЫ СӘНӘҒӘТЕ
ЭЛЕКТР ТЕХНИКАҺЫ СӘНӘҒӘТЕ, электр энергияһын етештереү, тапшырыу һәм ҡулланыу өсөн электр техникаһы продукцияһын сығарған машиналар эшләү тармағы. Башҡортостанда 1941 й. Өфөгә бер нисә Э.т.с. пр‑тиеһы эвакуацияланғандан һуң үҫеш ала, 1961 й. Октябрьский түбән вольтлы электр аппаратураһы з‑ды (ҡара: “Низковольтник”), 1971 й. “Автоприбор” з‑ды (ҡара: “Автокомплект”) ойошторола. 2004 й. Э.т.с. 44 пр‑тие һәм производство (электр техникаһы машиналары, ҡорамалдары, аппаратураһы һәм производство тәғәйенләнешендәге изделиелар етештереү б‑са 28 производство, кабель етештереү б‑са — 10, электроизоляция продукцияһы — 3, электр лампалары — 1, электр м‑н иретеп йәбештереү ҡорамалдары етештереү б‑са 2 производство), ш. иҫ. “Уфимкабель”, Өфө электролампа заводы — Яҡтылыҡ, Өфө агрегат производство берекмәһе, “Электроаппарат”, “Электролуч”, була. БР‑ҙа машиналар эшләү продукцияһын етештереү күләменең 7,1%‑ы Э.т.с. өлөшөнә тура килә. Продукцияһы БР‑ҙа һәм РФ‑та һатыла, яҡын һәм алыҫ сит илдәргә сығарыла. Продукция етештереү динамикаһы табл. бирелгән.
И.В.Гурьянова
Тәрж. Р.Ғ.Ғилманов
