ТОЙҒОНОВ Марсель Марат улы
ТОЙҒОНОВ Марсель Марат улы (19.12.1970, БАССР‑ҙың Баймаҡ районы Йомаш а.), микробиолог. Медицина фәндәре докторы (2003), профессор (2005). БР‑ҙың атҡаҙанған фән эшмәкәре (2020). БДМИ‑ны тамамлаған (1993). 1994—95 йй. “Сая” предприятиеһында (Өфө ҡ.) эшләй, 2003 й. алып “Иммунопрепарат” предприятиеһының Фән һәм технологиялар департаментында фән буйынса директор урынбаҫары, 2007 й. — БР Хөкүмәте Аппаратында (2008 й. башлап бүлек мөдире), 2009—10 йй. БР‑ҙың “Башфармация” ДУП‑ында генераль директор, бер үк ваҡытта 1998 й. алып БДМУ‑ла (2014 й. башлап микробиология, вирусология кафедраһы мөдире). Фәнни эшмәкәрлеге микробиология, иммунология, биотехнология, лаборатор диагностика проблемаларына, дарыу һәм диагностика препараттары эшләүгә арналған. Т. ҡатнашлығында Citrobacter diversus №256, Citrobacter freundii №255, Escherichia coli ГИСК №251 һ.б. бактерияларҙың штамдары, “хужа—патоген” системаһында шартлы патоген микроорганизмдарҙың (энтеробактериялар) үҙ‑ара молекуляр‑генетик тәьҫир итешеү үҙенсәлектәре өйрәнелә.
Тәрж. Г.Ҡ.Ҡунафина