СТАНОКТАР ЭШЛӘҮ ҺӘМ ИНСТРУМЕНТТАР СӘНӘҒӘТЕ
СТАНОКТАР ЭШЛӘҮ ҺӘМ ИНСТРУМЕНТТАР СӘНӘҒӘТЕ, машиналар, ҡорамалдар, металл изделиелар һ.б. металл конструкция материалдары, тимерлек‑преслау, ҡойоу һәм ағас эшкәртеү ҡорамалдары, ҡырҡыу, үлсәү, абразив металл ҡырҡҡыс инструменттар һ.б. эшләп сығарыу өсөн металл эшкәртеү һәм ағас эшкәртеү станоктары, автоматлаштырылған һәм ярым автоматлаштырылған линиялар, комплекслы автоматлаштырылған производстволар етештереү б‑са машиналар эшләү тармағы. Башҡортостанда 1941 й. станоктарҙың тәүге партияһын эшләп сығарған В.И.Ленин ис. станоктар эшләү з‑ды (Одесса ҡ.) Стәрлетамаҡ ҡ. эвакуацияланғандан һуң үҫешә. 1971 й. Ишембай станоктар эшләү заводы, 1977 й. Юғары аныҡлыҡтағы станоктар етештереү з‑ды (ҡара: “Инмаш”) төҙөлә башлай. 2004 й. тармаҡта 17 пр‑тие һәм производство, ш. иҫ. Стәрлетамаҡ станоктар эшләү заводы, “Контакт” пр‑тиеһы була, улар өлөшөнә БР машиналар эшләү производство күләменең 2,1%‑ы тура килә. Респ. Рәсәйҙә металл ҡырҡыу станоктары (20,8%) һәм эшкәртеү үҙәктәре (71,3%) етештереүселәренең иң эреһе булып тора (2008). Продукцияһы БР‑ҙа һәм РФ‑та һатыла, яҡын һәм алыҫ сит илдәргә сығарыла. Продукция етештереү динамикаһын табл. ҡарағыҙ.
И.В.Лаврешина
Тәрж. Г.Ҡ.Ҡунафина
Башҡортостанда станоктар етештереү, дана
Продукция |
1945 |
1960 |
1980 |
2000 |
2008 |
Металл ҡырҡыу станоктары |
2481 |
9195 |
10189 |
816 |
945 |
ш. иҫ. һан м-н программаланған станоктар |
– |
– |
551 |
19 |
85 |
Ағас эшкәртеү станоктары |
– |
1548 |
223 |
363 |
– |
Тимерлек-преслау машиналары |
36* |
2 |
235 |
27 |
1 |
*1950 й.