УРАЛ ТАУ ӨЛКӘҺЕ

УРАЛ ТАУ ӨЛКӘҺЕ, тау ведомствоһының адм.‑терр. берәмеге. 1886 й. 10 мартындағы указ м‑н ойошторола. Өлкә составына Вятка губернаһы, Ырымбур губернаһы, Пермь губернаһы, Өфө губернаһы, Турғай өлкәһе, Вологда губ. (Никольск, Соль-Вычегодск, Усть-Сысольск, Яренск өйәҙҙәре) һәм Урал өлк. (Ҡалмыҡ, Урал өйәҙҙәре) бер өлөшө ингән. 1903 й. У.т.ө. составына Тубыл губ. (Берёзов һәм Төмән өйәҙҙәре) индерелә. Адм. үҙәге — Екатеринбург ҡалаһы. 7 тау округына (Верхотор, Вятка, Көнбайыш һәм Көнсығыш Екатеринбург, Өфө, Пермь, Ырымбур) һәм 4 тау сәнәғәте округына (Гороблагодатск, Златоуст, Кама-Воткинск, Пермь туп з‑дтары), 1912 й. алып 12 тау округына (Верхнеурал, Вятка, Көнбайыш Верхотор, Көнбайыш Екатеринбург, Көньяҡ Екатеринбург, Мейәс, Өфө, Пермь, Төньяҡ Верхотор, Төньяҡ Екатеринбург, Чердынск, Ырымбур) бүленгән. Өлкәгә — Урал тау идаралығы, округтарға округ инженерҙары етәкселек иткән. 1917 й. У.т.ө. бөтөрөлә.

Тәрж. М.Х.Хужин