ПРИШИБ, Благовар р‑нындағы ауыл
ПРИШИБ, Благовар р‑нындағы ауыл, Алексеевка а/с үҙәге. Район үҙәгенән Т.‑Көнс. 35 км һәм Благовар т. юл ст. Т.‑Көнс. табан 51 км алыҫлыҡта урынлашҡан. Халҡы: 1920 й. — 252 кеше; 1939 — 437; 1959 — 326; 1989 — 1052; 2002 — 925; 2010 — 907 кеше. Урыҫтар, татарҙар, немецтар йәшәй (2002). П. — “Регион” агросәнәғәт хужалығы ЯСЙ‑ның үҙәк усадьбаһы. Урта мәктәп, балалар баҡсаһы, участка дауаханаһы, мәҙәниәт йорто (“Фолькскланг” ансамбле), китапхана, кирха бар; немец тарихи‑мәҙәни үҙәге, “Видергебурт” ойошмаһы филиалы эшләй.
Ауылға 20 б. башында Өфө өйәҙендә алпауыт Базилевскийҙан һатып алынған ерҙәрҙә Таврия губ. күсеп килеүселәр Нейпришиб исеме м‑н нигеҙ һала. Шулай уҡ 6‑сы Пришиб, 6‑сы Колония исемдәре м‑н теркәлгән. 30‑сы йй. алып хәҙ. исемен йөрөтә.
Р.Ғ.Ҡорбанғолов
Тәрж. Р.Ғ.Ғилманов