ПАРАЩЕНКО Владимир Михайлович

ПАРАЩЕНКО Владимир Михайлович (16.10.1936, Невель ҡ. — 23.9.2021, Өфө ҡ.), хужалыҡ эшмәкәре. Техник фәндәр кандидаты (1989). БР‑ҙың атҡаҙанған машиналар эшләүсеһе (1994). ӨАИ‑ны тамамлаған (1966). 1960 й. алып ӨНИ‑лә. 1962 й. башлап ӨМЭПБ‑ла эшләй: 1965 й. — өлкән мастер, 1967 й. — цех начальнигы урынбаҫары, 1968 й. — цех начальнигы, 1976 й. — генераль директор урынбаҫары, 1986 й. — генераль директор, 1998 й. — консультант, 2005 й. алып генераль директор советнигы, бер үк ваҡытта 1988–2001 йй. ӨДАТУ‑ла машиналар һәм ҡойоу производствоһы технологиялары кафедраһы мөдире. Фәнни эшмәкәрлеге ҡойоу производствоһы технологияларын камиллаштырыуға арналған. П. етәкселегендә АЛ‑31СТ газ турбиналы двигателдәр, ҡаргиҙәрҙәр, “Урал” мотоблоктары сығарыла башлай; канюля етештереү цехы асылған. СССР МС‑ы (1991), Н.Е.Жуковский исемендәге (1994) премиялар лауреаты. Хеҙмәт Ҡыҙыл Байраҡ (1994), “Почёт Билдәһе” (1980), Дуҫлыҡ (1995) ордендары менән бүләкләнгән.

Тәрж. Ф.Ғ.Ғәлиев