Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

КЕР ЙЫУЫУ ЙОРТО

Просмотров: 863

КЕР ЙЫУЫУ ЙОРТО, халыҡты көнкүреш хеҙмәтләндереү пр-тиеһы, керҙе йыуыу һәм артабанғы эшкәртеү м‑н шөғөлләнә; кер йыуыу өсөн бина. Керҙе йыйыу һәм оҙатыу, үҙ-үҙеңде хеҙмәтләндереү ысулы м‑н йыуыу, әйберҙәргә ваҡ ремонт яһау һ.б. хеҙмәттәр күрһәтә. Ҡорамалдары: кер йыуыу машиналары, центрифугалар, киптереү барабандары һәм шкафтары, киптереү‑үтекләү машиналары һәм престары һ.б. Шулай уҡ юғары категориялы К.й.й. була. Башҡортостанда 20 б. 20‑се йй. башында хәрби гарнизон эргәһендә К.й.й. эшләгән, 1935 й. — механизацияланған К.й.й., 1939 й. — 3 (сменаға 1,4 т кипкән кер), 1945 й. — 5 (3,6), 1956 й. — 6 (4,8; бөтәһе лә — Өфө), 1960 й. — 8, 1965 й. — 21, 1970 й. — 26, 1975 й. — 40 К.й.й. булған. 60‑сы йй. уртаһында үҙ‑үҙеңде хеҙмәтләндереү кер йыуыу пункттары, 70‑се йй. — үҙ‑үҙеңде хеҙмәтләндереү К.й.й. асыла. 2011 й. 43 К.й.й. иҫәпләнә. Күрһәткән хеҙмәттәре күләменән сығып “Таҙалыҡ үҙәге”, “Эдельвейс” (икеһе лә — Өфө), “Яңылыҡ” (Стәрлетамаҡ ҡ.), Салауат ҡала К.й.й иң эреләрҙән һанала.

И.С.Греханова

Тәрж. Г.Ҡ.Ҡунафина

Дата публикации: 10.10.2019
Дата последнего обновления публикации: 17.10.2019
Связанные темы рубрикатора:
Связанные статьи: