ҠАЛА-ТИРӘ ТРАНСПОРТЫ

ҠАЛА-ТИРӘ ТРАНСПОРТЫ, ҡала тирәһендәге зонала (ҡаланың адм. үҙәгенән йәки ҙур ауылдан 50 км тиклем алыҫлыҡта) пассажирҙар ташыған дөйөм файҙаланыуҙағы транспорт. Автомобиль транспорты, йылға транспорты, тимер юл транспорты, милек төрө б‑са — дәүләт һәм шәхси Ҡ.‑т.т. айырыла. Башҡортостанда ҡала-тирә автомобиль бәйләнеше Өфө моторҙар эшләү з‑ды эшселәрен ташыу өсөн 20 б. 20‑се йй. аҙ., т. юл бәйләнеше — 30‑сы йй. яйға һалына. 1956 й. Өфө—Дим һәм Өфө—Оло Теләк участкаларында ҡала-тирә электр поездары йөрөй башлай. Ҡ.‑т.т. артабанғы үҫеше башлыса ҡалаларҙа сәнәғәт объекттары тупланыуына (ҡара: Сәнәғәт узелы), дача-торлаҡ төҙөлөшө артыуына бәйле. БР‑ҙа ҡала-тирә пассажирҙар ташыу структураһында өҫтөнлөк автомобиль транспортына бирелә (ҡара: 1‑се һәм 2‑се табл.). Респ. ҡалаларында һәм райондарында даими ҡала- тирә автобус бәйләнеше “Башавтотранс” ДУП‑ы пр‑тиелары һәм шәхси эшҡыуарҙар, т. юл бәйләнеше — “Башҡортостан ҡала-тирә пассажирҙар компанияһы” ААЙ (ҡара: 3‑сө табл.) тарафынан алып барыла. Йылға транспортына ҡала-тирә бәйләнешендә пассажирҙар ташыу күләменең бик аҙ өлөшө тура килә.

Л.Ф.Ситдиҡова

Тәрж. Г.Ҡ.Ҡунафина

1‑се табл.

Дөйөм файҙаланыуҙағы ҡала-тирә транспортының пассажирҙар ташыу структураһы (%)

2‑се табл.

Ҡала-тирә автобустарында пассажирҙар ташыу

3‑сө табл.

Дөйөм тәғәйенләнешле тимер юл транспортында пассажирҙар ташыу (млн кеше)