ЙӘШӘҮ МИНИМУМЫ

ЙӘШӘҮ МИНИМУМЫ, ҡулланыусылар кәрзиненең хаҡы, ш. уҡ мотлаҡ түләүҙәр һәм йыйымдар. Соц. программалар эшләгәндә һәм уларҙы тормошҡа ашырғанда, бюджетты төҙөгәндә халыҡтың йәшәү кимәлен баһалау өсөн йән башына квартал һайын билдәләнә. 1991 й. алып миним. ҡулланыусылар бюджеты (250‑нән ашыу тауар һәм хеҙмәт инә), 1992 й. — Й.м. бюджеты (25 аҙыҡ‑түлек тауары, сәнәғәт тауарҙары һәм хеҙмәттәргә киткән сығымдар дөйөм сығымдарға ҡарата проценттарҙа иҫәпләнә), 2001 й. — Й.м. (156 тауар һәм хеҙмәт) иҫәпләп сығарыла. 2011 й. Й.м. дәүмәленән түбәнерәк килем алған халыҡ һаны б‑са БР РФ‑та 19‑сы һәм Волга буйы федераль округында 2‑се урында була (ҡара: табл.).

Ә.М.Аллаярова

Тәрж. Г.Ҡ.Ҡунафина

Башҡортостан Республикаһында йәшәү минимумы дәүмәле (2012 й. 2‑се кварталы; йән башы иҫәбенән, айына һумдарҙа)