БЕЛОРЕТ УРМАН СӘНӘҒӘТЕ ХУЖАЛЫҒЫ
БЕЛОРЕТ УРМАН СӘНӘҒӘТЕ ХУЖАЛЫҒЫ, ағас әҙерләү, эшкәртеү һәм аҡ шыршы ҡайнатыу пр‑тиеһы. 1960 й. Магнитогорск урман сәнәғәте хужалығы базаһында нигеҙ һалына, 1961 й. алып “Башлеспром” ААЙ составында, 1995 й. — ААЙ, 2006 й. ябыла. 1962—94 йй. Б.у.с.х. Түбәнге Новгород ҡ. һәм Нейво-Рудянка ҡасабаһы (Свердловск өлк.) лак-буяу з‑дтары өсөн сайыр йыйыу м‑н (йылына яҡынса 400 т) шөғөлләнгән. Составына Белорет (1961 й. нигеҙләнгән), Тирлән, Үҙәнбаш (икеһе лә — 1960), Егәҙе (1961 й. ҡушылған) ағас-таҡта әҙерләү пункттары ингән. 1999 й. 881 кеше эшләгән. Төҙөлөшкә яраҡлы ағас, ағас-таҡта, тышлыҡ таҡта, штакетник, йәшник таралары, шпалдар, аҡ шыршы майы һ.б. етештергән. Продукцияһы БР‑ҙа һәм РФ‑тың башҡа төбәктәрендә һатылған. Б.у.с.х. м‑н Д.С.Йәнгәрәев һ.б. эшмәкәрлеге бәйле.
Тәрж. Г.Ҡ.Ҡунафина