“БАЛА ҠАРҒА”

“БАЛА ҠАРҒА”, башҡ. инструменталь көйө. Тәүге тапҡыр А.С.Ключарёв тарафынан 20 б. 30‑сы йй. яҙып алына, “Башҡорт халҡ йырҙары” йыйынтығында баҫтырыла. Инструменталь көйҙөң берҙән‑бер вокаль версияһы К.М.Дияровтан яҙып алына һәм “Сал Уралдың моңдары” (1988) китабында баҫыла. Көйҙө башҡарыу алдынан бер нисә варианты булған легенда бәйән ителә. Сюжеттың төп мотивы — ҡоҙғондоң баланы тәрбиәләүе — башҡорттарға хас булған ҡоштарҙы (ҡара: Ҡоштар культы) һәм ағастарҙы хөрмәтләүҙе (ҡара: Исламға тиклемге дини инаныуҙар) сағылдыра. Инструменталь көй йыр‑бейеү характерында, уның нигеҙен артабанғы башҡарыуҙарҙа төрлөләнә барған, мелодик фраза тәшкил итә. “Б.ҡ.” башҡарыусылар араһында ҡурайсылар Р.Ғ.Бүләкәнов, Т.Х.Латипов, Ғ.З.Сөләймәнов.