ВӘЛИЕВ Әхмәтзаһит Ҡаҙрай улы

ВӘЛИЕВ Әхмәтзаһит Ҡаҙрай улы [22.4.1930, БАССР‑ҙың Бәләбәй кантоны Туҙлыҡыуыш а. (БР‑ҙың Саҡмағош районы) — 2.12.2013, шунда уҡ], Социалистик Хеҙмәт Геройы (1966). 1948 й. алып Саҡмағош районының С.М.Киров исемендәге колхозында эшләй: 1952 й. башлап тракторсы, 1962—70 йй. трактор бригадаһы бригадиры. В. бригадаһы баҫыусылыҡта яңы технологиялар (тәрән һөрөү, туңға иртә һөрөү, сәсеү алдынан ерҙе 2 ҡабат культивациялау) индерә; 1959—65 йй. хужалыҡта иген культураларының уңдырышлылығы 35 ц/га етә. Ленин ордены менән бүләкләнгән (1966).

Н.Р.Бәхтизин

Тәрж. Г.А.Миһранова