КҮРГӘҘМӘЛӘР

КҮРГӘҘМӘЛӘР, кешенең матди һәм рухи эшмәкәрлеге өлкәһендәге ҡаҙаныштарын күрһәтеү. Ойоштороу маҡсаты б‑са — сауҙа, аң‑белем таратыу‑танып белеү (һынлы сәнғәт күргәҙмәләре, фәнни‑техник ҡаҙаныштар һ.б.); ваҡыты б‑са — даими үткәрелеп торған, һәр ваҡыт эшләүсе һ.б.; күрһәтелгән экспонаттары б‑са – универсаль (иҡтисадтың төрлө тармаҡтары продукцияһын, фән, техника, мәҙәниәт ҡаҙаныштарын күрһәтеү), махсус (бер йәки бер нисә үҙ‑ара яҡын тармаҡ тауарҙарын күргәҙмәгә ҡуйыу); ҡатнашыусылар составы б‑са бөтә донъя, халыҡ-ара, төбәк, милли күргәҙмәләр айырыла. Башҡортостанда күргәҙмә эшмәкәрлеге м‑н “БашЭКСПО” күргәҙмә үҙәге, “Лигас” коммерция инновация үҙәге, Башҡ‑н күргәҙмәләр компанияһы һ.б. шөғөлләнә (ҡара: табл.). К. — Респ. күргәҙмәләр комплексында (1972 й. алып), Өфө ҡала мәҙәниәт һарайында һәм “Нефтсе” мәҙәниәт һарайында (90‑сы йй. башынан); сәнғәт К. күргәҙмә залдарында һәм һынлы сәнғәт галереяларында үткәрелә.

Г.Г.Вагнер

Тәрж. Г.Ҡ.Ҡунафина

Б а ш ҡ о р т о с т а н д а   к ү р г ә ҙ м ә л ә р  б у й ы н с а  э ш м ә к ә р л е к