ҺАҢҒЫРАУҘАР ЙӘМҒИӘТЕ

ҺАҢҒЫРАУҘАР ЙӘМҒИӘТЕ, дөйөм Рәсәй инвалидтар йәмәғәт ойошмаһы. Һ.й. БР буйынса төбәк бүлексәһе 1926 й. Бөтә Рәсәй һаңғырау‑телһеҙҙәр берекмәһенең Өфө ҡала бүлеге булараҡ ойошторола, 1928 й. алып Башҡортостан өлкә бүлеге; 1950 й. башлап Һ.й. Башҡортостан бүлеге, 1996 й. — Башҡортостан республика ойошмаһы, 2007 й. алып Бөтә Рәсәй һаңғырауҙар йәмғиәте. Эшмәкәрлегенең төп йүнәлеше — ишетеү буйынса инвалидтарҙың хоҡуҡтарын һәм мәнфәғәттәрен яҡлау, уларҙың социаль һәм хеҙмәткә яраҡлылығын реабилитациялау. Составына 8 урындағы бүлексә, Өфө һаңғырауҙар мәҙәниәт йорто инә. Ойошма ишетеү буйынса 2 меңгә яҡын инвалидты берләштерә (2022). 2006 й. тиклем бүлексә составына Стәрлетамаҡ (1945 й. асылған), Белорет (1956), Өфө (1958) социаль‑реабилитация предприятиелары (бөтәһе лә — ЯСЙ) ингән; Өфө һәм Белорет предприятиелары — электротехник изделиелар, Стәрлетамаҡ предприятиеһы тегеү изделиелары сығарған.

А.Ә.Румянцева

Тәрж. Г.А.Миһранова