Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ВОДОПЬЯНОВ Владимир Васильевич

Просмотров: 984

ВОДОПЬЯНОВ Владимир Васильевич (14.11.1949, Порт-Артур ҡ., Ҡытай — 14.7.2020, Өфө ҡ.), математик. Техник фәндәре докторы (2009), профессор (2009). БР‑ҙың атҡаҙанған халыҡ мәғарифы хеҙмәткәре (1997), РФ‑тың почётлы юғары профессиональ белем биреү хеҙмәткәре (2007). Ҡазан университетын тамамлағандан һуң (1972) шунда уҡ эшләй. 1978 й. алып ӨАИ‑ла (1995 й. башлап дөйөм фәндәр факультеты деканы). Фәнни эшмәкәрлеге интерполяцион арауыҡтарҙың үҙенсәлектәрен өйрәнеүгә, математик модель әҙерләүгә арналған. В. интерполяцияның төрлө алымдары араһындағы яңы нисбәттәрҙе билдәләй, Кальдерон—Лозановский алымының орбиталь тасуирламаһын таба; нефть менән бысранған тупраҡтарҙа барған төп биологик процестарҙың математик моделдәрен һ.б. эшләй.

Хеҙм.: Фитотоксичность антропогенно-загрязнённых почв. Уфа, 2003 (авторҙ.); Комплексы почвенных микромицетов в условиях техногенеза. Уфа, 2005 (авторҙ.); Математическое моделирование процессов в антропогенно нарушенных почвенных биосистемах. М., 2010 (авторҙ.).

Р.Ҡ.Ғәзизов

Тәрж. Р.Ғ.Ғилманов

 

 

Дата публикации: 10.10.2019
Дата последнего обновления публикации: 21.10.2021
Связанные темы рубрикатора: