ҒИЗЗӘТУЛЛИН Баязит Хаммат улы

ҒИЗЗӘТУЛЛИН Баязит Хаммат улы (1.7.1936, БАССР‑ҙың Йылайыр районы Суйынсы‑Супан утары — 13.11.2011, Күмертау ҡ.), спортсы. Саңғы ярышы буйынса СССР‑ҙың халыҡ‑ара класлы спорт мастеры (1966). “Хеҙмәт” ирекле спорт йәмғиәте тәрбиәләнеүсеһе. СССР чемпионы (1964 й. — 50 км ярышта, 1971 й. — эстафетала), РСФСР чемпионы (1968 й. — эстафетала), СССР (1963, 1969 й. — 50 км ярышта, 1964 й., 1965 й. — эстафетала) һәм СССР кубогы (1969 й. — 50 км ярышта) чемпионаттарының көмөш призёры, СССР чемпионаттарының (1964 й. — 15 км ярышта, 1965 й. — 50 км, 1969 й. — 30 км, 1969—70 йй. — эстафетала) бронза призёры. “Төньяҡ байрамы” халыҡ‑ара ярыштары еңеүсеһе (1971 й.  — эстафетала). Ҡышҡы Олимпия уйындарында ҡатнашыусы (1964). СССР йыйылма командаһы ағзаһы (1962—71).

  Әҙәб.: Г и з а т у л л и н Х.Н., М у р а т о в а Ф.Г. Чуюнчи‑Чупаново 100 лет. Уфа, 2001.

Тәрж. Г.Ҡ.Ҡунафина