ҒӘЛӘҮЕТДИНОВА Наилә Ғизетдин ҡыҙы
ҒӘЛӘҮЕТДИНОВА Наилә Ғизетдин ҡыҙы (3.1.1946, БАССР‑ҙың Архангел районы Тирәкле а.), диктор. РФ-тың атҡаҙанған мәҙәниәт хеҙмәткәре (2020), БР‑ҙың халыҡ артисы (1993), БАССР‑ҙың атҡаҙанған артисы (1981). Өфө сәнғәт училищеһын тамамлағандан һуң (1965; Р.С.Сыртланов курсы) “Башҡортостан” ТРК‑һында эшләй.
Йомшаҡ, тәьҫирле тауышҡа эйә. Ғ. хислелек, тәбиғилек, артислыҡ хас. ТВ‑ла әҙәби‑музыкаль (“Моң шәлкеме”, “Музыкаль тулҡындар”, “Сәнғәт әһелдәре”), мәғлүмәти (“Панорама”, “Башҡортостан”), балалар өсөн (“Күңелле станциялар”, “Шарлауыҡ”) тапшырыуҙар, “Минең әкиәттәрем” телеконкурсын һ.б., “Башҡортостан радиоһы”нда “Шиғриәт минуттары”, “Һеҙҙең өсөн, ветерандар”, “Бөтә йөрәктән”, “Ваҡыт даръяһы” әҙәби-музыкаль һ.б. тапшырыуҙарҙы алып барыусы.
Тәрж. Р.Р.Абдрахманов