КҮН, ТИРЕ ҺӘМ АЯҠ КЕЙЕМЕ СӘНӘҒӘТЕ
КҮН, ТИРЕ ҺӘМ АЯҠ КЕЙЕМЕ СӘНӘҒӘТЕ, еңел сәнәғәттең тәбиғи һәм яһалма күн, тире, тире һәм күн- галантерея изделиелары, аяҡ кейеме етештереүсе тармағы. Башҡортостанда 19 б. үҫешә башлай (ҡара: Күн эше): 30‑сы йй. Өфөлә — 27, Стәрлетамаҡ ҡ. 28 күн пр‑тиеһы була, күпселеген итексе цехтары тәшкил итә. Өфө губ., урындағы сеймалды файҙаланып, 1882 й. — 63, 1902 й. 142 күн заводы эшләй. Респ. тармаҡ структураһы 20 б. формалаша, шул ваҡыт эсендә “Башвест”, Дәүләкән аяҡ кейеме фабрикаһы, Октябрьский күн аяҡ кейеме комбинаты, Стәрлетамаҡ күн аяҡ кейеме комбинаты һ.б. пр‑тиелар төҙөлә. 2004 й. БР‑ҙа тармаҡ 60‑тан ашыу пр‑тие һәм производствонан, ш. иҫ. Нефтекама яһалма күн производство берекмәһенән, Нефтекама күн-галантерея фабрикаһынан, Өфө күн‑галантерея фабрикаһынан тора. БР‑ҙа еңел сәнәғәт етештереү күләменең 60%‑ы ошо тармаҡ өлөшөнә тура килә (ҡара: табл.), 7 меңдән ашыу хеҙм‑р эшләй. Күн етештереү өсөн сеймал Башҡ‑н респ. ҡулланыусылар йәмғиәттәре союзынан, ит эшкәртеү пр‑тиеларынан алына, ш. уҡ бирем сеймалы ҡулланыла. Продукцияһы БР‑ҙа һәм РФ‑тың башҡа төбәктәрендә һатыла, яҡын сит илдәргә сығарыла. Белгестәр Башҡорт дәүләт университетында, Иҡтисад һәм сервис университетында, Технология һәм дизайн колледжында әҙерләнә.
И.В.Гурьянова
Тәрж. Г.Ҡ.Ҡунафина
Күн, тире һәм аяҡ кейеме сәнәғәте продукцияһын етештереү динамикаһы
|
Продукция |
1960 |
1980 |
1990 |
2000 |
2004 |
2007 |
2009 |
|
Хром күн тауарҙары, млн дм2 |
44,7 |
117 |
275 |
28,1 |
5,5 |
— |
— |
|
Ҡаты күн тауарҙары, мең м2 |
— |
38680 |
29706 |
4083 |
714 |
— |
— |
|
Яһалма йомшаҡ күн, мең м2 |
— |
28823 |
34552 |
11020 |
14369 |
13860 |
7707 |
|
Тәбиғи һәм яһалма тиренән тире һәм тире изделиелары, мең һум* |
— |
2991 |
29,1 |
2509 |
9000 |
17155 |
100598 |
|
Күн-галантерея изделиелары, млн һум* |
— |
— |
21 |
27 |
56 |
98 |
100 |
|
Аяҡ кейеме, мең пар |
3642 |
7159 |
6780 |
1958 |
1556 |
1124 |
1248 |
*Тейешле йылдарҙағы хаҡтарҙа бирелгән.
