КИНЙӘБАЕВ Рәлиф Мөстәҡим улы

КИНЙӘБАЕВ Рәлиф Мөстәҡим улы (1.1.1957, БАССР‑ҙың Стәрлебаш районы Ҡабыҡҡыуыш а.), драматург. БР‑ҙың атҡаҙанған матбуғат һәм киң мәғлүмәт хеҙмәткәре (2003). Яҙыусылар союзы ағзаһы (1990  й. алып). Стәрлетамаҡ педагогия институтын тамамлаған (1980). 1981 й. алып Стәрлебаш районы Ҡалҡаш урта мәктәбе директоры. 1985 й. башлап “Башҡортостан” гәзите үҙ хәбәрсеһе, 1999 й. — баш мөхәррире, 2011 й. — “Һәнәк” журналы, бер үк ваҡытта 2016 й. алып “Ағиҙел” журналы баш мөхәррире. “Һыу юлында һылыу ҡыҙ” исемле тәүге китабы 1988 й. сыға. “Йәйҙең һуңғы көндәре” (1992) китабына ингән повесть һәм хикәйәләрендә, “Эх, Байтимер дуҫ!”, “Айғырыңды үтескә бир!..”, “Гүргә инер сер ине...” һ.б. пьесаларында хәҙерге замандың әхлаҡ мәсьәләләре күтәрелә. Пьесалары БР һәм РФ‑тың башҡа төбәктәре театрҙарында ҡуйыла. Халыҡтар дуҫлығы ордены менән бүләкләнгән (2021).

Тәрж. Р.Ә.Сиражитдинов