ЙОМШАҠ ТҮБӘ ҺӘМ ГИДРОИЗОЛЯЦИЯ МАТЕРИАЛДАРЫ СӘНӘҒӘТЕ

ЙОМШАҠ ТҮБӘ ҺӘМ ГИДРОИЗОЛЯЦИЯ МАТЕРИАЛДАРЫ СӘНӘҒӘТЕ, төҙөлөш материалдары сәнәғәтенең битумдар һәм полимерҙар нигеҙендә йомшаҡ гидроизоляция һәм түбә материалдары етештереү б‑са тармағы. Продукция түбә ҡатырғаһы, быяла-киндер, быяла-туҡыма, полимер плёнкалар файҙаланып төргәк рәүешендә сығарыла. 1969 й. Учалы ҡатырға-рубероид з‑ды (ҡара: “Кровля”), 1998 й. “Кровлестом” ЯСЙ (Ишембай ҡ.) ойошторола. Өфө эластомер материалдар, изделиелар һәм конструкциялар заводында 90‑сы йй. башында элон полимер материалын етештереү үҙләштерелә. 2004 й. БР‑ҙа тармаҡ 3 пр-тие һәм производствонан тора, төҙөлөш материалдары сәнәғәте күләменең 2,8%‑ы тармаҡ өлөшөнә тура килә. Тармаҡ продукцияһы БР‑ҙа һәм РФ‑тың башҡа төбәктәрендә һатыла, яҡын сит илдәргә сығарыла. Етештереү динамикаһы табл. бирелгән.

Тәрж. Г.Ҡ.Ҡунафина

Башҡортостан Республикаһында йомшаҡ түбә материалдары етештереү, мең м²