ИБРАҺИМ, Ҡырмыҫҡалы р‑нындағы ауыл
ИБРАҺИМ, Йомран, Ҡырмыҫҡалы р‑нындағы ауыл, Һәүәләй а/с ҡарай. Район үҙәгенән Т. 15 км һәм Ибраһим т. юл разъезынан Т.‑Көнс. табан 4 км алыҫлыҡта Ҡыҙылғы күле (Ағиҙел й. басс.) буйында урынлашҡан. Халҡы: 1906 й. — 360 кеше; 1920 — 596; 1939 — 875; 1959 — 600; 1989 — 415; 2002 — 422; 2010 — 388 кеше. Башҡорттар йәшәй (2002). Урта мәктәп, фельдшер‑акушерлыҡ пункты, мәҙәниәт йорто, китапхана, Өмөтбаев М. музейы, мәсет бар.
Ауылға 17 б. 2‑се ярт. Нуғай даруғаһы Йомран-Табын улусы башҡорттары үҙ ерҙәрендә Өмөтбай исеме (Өмөтбай Мырҙашев исеменән; ҡара: Өмөтбаевтар) м‑н нигеҙ һала. 18 б. 80‑се йй. алып И. исеме м‑н билдәле (Ибраһим Әбделғазин исеменән алынған, тип фараз ителә). Икенсе исеме “йомран” этнонимына бәйле (ҡара: Табын). И. 8‑се башҡ. кантонының үҙәге була (1842 й. ҡарата). 1795 й. 15 йортта 87 кеше йәшәгән, 1865 й. 52 йортта — 336 кеше. Малс‑ҡ, игенселек, умарт‑ҡ м‑н шөғөлләнгәндәр. Мәсет, училище булған. 1906 й. мәсет, 2 бакалея кибете, мөгәзәй теркәлгән. 20 б. 30‑сы йй. И. 18 б. аҙ. нигеҙ һалынған Тоҡос а. ҡушыла. М.И.Өмөтбаев, Ф.Ш.Садиҡов, Р.М. Хәзиева ошо ауылда тыуған.
Тәрж. Р.Ғ.Ғилманов