Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

МӘҒЖӘНОВ Рим Вәли улы

Просмотров: 1176

МӘҒЖӘНОВ Рим Вәли улы (16.3.1943, БАССР-ҙың Учалы районы Ильинка приискыһы ҡсб, хәҙер БР‑ҙың шул уҡ районы Ильинка а.), невролог. Медицина фәндәре докторы (1989), профессор (1991). РФ‑тың (2005) һәм БР‑ҙың (1997) атҡаҙанған табибы. БДМИ‑ны тамамлағандан һуң (1967) шунда уҡ эшләй (1989—2020 йй. нейрохирургия һәм медицина генетикаһы курстары менән бергә неврология кафедраһы мөдире). Фәнни эшмәкәрлеге нейрогенетика, нәҫелдән килгән дегенератив неврология патологияһы проблемаларына, нервы системаһы патологияһы ваҡытында нейроэндокрин боҙолоуҙарҙы, БР‑ҙа нервы ауырыуҙарының таралыуын өйрәнеүгә арналған. М. тарафынан тәүгеләрҙән булып республикала нервы системаһы нәҫел ауырыуҙарының географик һәм этник таралышы, йышлығы, структураһы һәм клиник полиморфизмы тасуирланған. Медицина генетиктары йәмғиәтенең Башҡортостан бүлексәһе (1978—2005), Бөтә Рәсәй неврологтар йәмғиәтенең Башҡортостан бүлексәһе идараһы (2014 й. алып) рәйесе. “Башҡортостан Республикаһы алдында күрһәткән хеҙмәттәре өсөн” ордены менән бүләкләнгән (2013).

  Х е ҙ м.: Нервные болезни: руководство для врачей. М., 2002 (авторҙ.); Проблемы экологии: принципы их решения на примере Южного Урала. М., 2003 (авторҙ.); ДНК — диагностика и профилактика наследственной патологии в Республике Башкортостан. Уфа, 2005 (авторҙ.). 

Тәрж. Г.Ҡ.Ҡунафина

 

 

 

Дата публикации: 10.10.2019
Дата последнего обновления публикации: 16.02.2024