МЕДИЦИНА ПРИБОРҘАРЫ

МЕДИЦИНА ПРИБОРҘАРЫ, ауырыуҙарҙы диагностикалау һәм дауалау өсөн файҙаланылған мәғлүмәттәрҙе үлсәү, анализлау, эшкәртеү, күрһәтеү, һаҡлау, ш. уҡ мед. системаларын көйләү өсөн тәғәйенләнгән техник яйланмалар. Ҡулланыу өлкәһе б‑са М.п. түбәндәге төркөмдәргә бүленә: йылылыҡ физикаһы, электр, магнит, оптик, ядро һ.б. үл__сәмдәр өсөн; индикация ысулы б‑са — күрһәтеүсе һәм теркәүсе; хәүеф дәрәжәһе б‑са — потенциаль хәүефте күрһәтеүсе иң юғары (3), юғары (2б), уртаса (2а) һәм түбән (1) класлы приборҙар. Башҡортостанда 1995 й. алып “Нейрон” пр‑тиеһы (З.М.Сафина) — офтальмологик тикшеренеүҙәр, “Астра” ғилми‑етештереү үҙәге (А.В.Карпухин) электрофоретик тикшеренеүҙәр өсөн М.п. (икеһе лә — Өфө), “Кверти‑Мед” ЯСЙ (Д.Ю.Бухвостов, А.В.Грищенко) гемоанализаторҙар эшләп сығара. Тире япмаһының физик үҙенсәлектәрен тикшереү өсөн приборҙар В.Г.Гусев етәкс. Авиация техник университетында эшләнә. 2007 й. БР М.п. етештереүселәр ассоциацияһы төҙөлә.

Әҙәб.: Г у с е в В.Г. Методы и технические средства для медико‑биологических исследований: в 2 ч. Уфа, 2001; Н а с и б у л л и н Р.С., Г у с е в В.Г. Методы и технические средства медицинской визуализации. Уфа, 2003. 

 Р.С.Нәсибуллин

Тәрж. Г.Ҡ.Ҡунафина