МОКЕЕВА Екатерина Геннадьевна

МОКЕЕВА Екатерина Геннадьевна (20.9.1975, Өфө ҡ.), спорт медицинаһы табибы. Медицина фәндәре докторы (2010). Г.И.Мокеевтың ҡыҙы. БДМУ‑ны тамамлағандан һуң (1998) 2005 й. тиклем Республика табип‑физкультура диспансерында, бер үк ваҡытта 1999—2010 йй. һәм 2017 й. башлап ӨДАТУ‑ла (2022 й. ноябренән ӨФТУ) эшләй. 2010—17 йй. П.Ф.Лесгафт исемендәге Милли физик культура, спорт һәм сәләмәтлек университетында (Санкт‑Петербург ҡ.). Фәнни эшмәкәрлеге юғары квалификациялы спортсыларҙың иммун боҙолоштарын өйрәнеүгә һәм уларҙы иҫкәртеүгә, студенттарҙың психофизик хәлен оптималләштереүгә һ.б. арналған.

  Х е ҙ м.: Современные технологии профилактики и реабилитации при заболеваниях и травмах. СПб., 2014 (авторҙ.); Актуальные проблемы спортивной медицины. Питание в системе подготовки спортсменов. Уфа, 2015 (авторҙ.); Средства восстановления в спортивной практике. Уфа, 2020 (авторҙ.).

Тәрж. Г.Ҡ.Ҡунафина