МЕДИЦИНА КОЛЛЕДЖЫ, 1908 й.
МЕДИЦИНА КОЛЛЕДЖЫ, 1908 й. Өфөлә ҡатын-ҡыҙҙар акушер-фельдшерлыҡ мәктәбе булараҡ асыла. 1926 й. фарм. мәктәбе м‑н берләшкәндән һуң, Н.Нариманов ис. Баш‑н мед. техникумы, 1954 й. алып 1‑се Өфө мед. уч‑щеһы, 1992 й. — Башҡ. М.к. 2014 й. башлап Өфө медицина колледжы. 1934 й. шәфҡәт туташы һәм фельдшерлыҡ бүлексәләре Бөрө ҡ. күсерелә (ҡара: Бөрө медицина колледжы). 2005 й. уҡыу йорто составына Медицина училищеһы №2 инә. Уҡытыу көндөҙгө һәм көндөҙгө-ситтән тороп уҡыу бүлектәрендә акушерлыҡ эше, лаб. диагностика, дауалау эше, мед.-профилактика эше, мед. массажы, шәфҡәт туташы эше, фармация һөнәрҙәре б‑са алып барыла. 2 дөйөм ятағы, тамаша, спорт һәм тренажёр залдары бар. Уҡыу йорто м‑н А.И.Подбельский һ.б. эшмәкәрлеге бәйле. 30 меңдән ашыу белгес әҙерләнгән (2013), улар араһында М.М.Ғатауллин, Р.Г.Ғәлиев, Р.Ф.Ғәтиәтуллин, З.Ш.Заһиҙуллин.
Р.Ә.Хәзипов
Тәрж. Ә.Н.Аҡбутина