МИТРӘЙ-ӘЙҮП, Саҡмағош р‑нындағы ауыл
МИТРӘЙ-ӘЙҮП, Саҡмағош р‑нындағы ауыл, Йомаш а/с ҡарай. Район үҙәгенән К.‑Көнб. 29 км һәм Бүздәк т. юл ст. Т. табан 60 км алыҫлыҡта Баҙы й. буйында урынлашҡан. Халҡы: 1906 й. — 450 кеше; 1920 — 690; 1939 — 608; 1959 — 699; 1989 — 482; 2002 — 460; 2010 — 457 кеше. Татарҙар, башҡорттар йәшәй (2002). Төп мәктәп (Йомаш урта мәктәбе филиалы), балалар баҡсаһы, фельдшер‑акушерлыҡ пункты, мәҙәниәт йорто, китапхана бар.
Ауылға Ҡазан даруғаһы Ҡыр- Йылан улусы башҡорттарының аҫаба ерҙәрендә 1635 й. керҙәшлек килешеүе б‑са типтәрҙәр нигеҙ һала. Шулай уҡ Әйүп, Баҙыбаш, Митрәй булараҡ билдәле булған. 1865 й. 60 йортта 312 кеше йәшәгән. Игенселек, малс‑ҡ, умарт‑ҡ м‑н шөғөлләнгәндәр. Мәсет, 4 һыу тирмәне булған. 1906 й. мәсет, бакалея кибете теркәлгән. Р.Ғ.Баҙыҡов ошо ауылда тыуған.
Тәрж. Р.Ғ.Ғилманов