КАМАЛОВ Азат Әхмәҙулла улы

КАМАЛОВ Азат Әхмәҙулла улы [1.12.1937, БАССР‑ҙың Матрай районы Яманһаҙ а. (БР‑ҙың Йылайыр районы) — 23.4.2007, Өфө ҡ.], тел белгесе. Филология фәндәре докторыры (1997). БДУ‑ны тамамлаған (1964). 1967 й. алып ТТӘИ‑лә (1972 й. — өлкән хеҙмәткәр), 1990 й. — БДПИ‑ла, 1992 й. — Башҡортостан мәғариф хеҙмәткәрҙәренең квалификацияһын күтәреү институтында эшләй, 1996 й. — Милли мәғариф проблемалары институтының Башҡортостан филиалында төп ғилми хеҙмәткәр, 1997—2005 йй. БДПУ‑ла уҡыта (1999—2004 йй. филология кафедраһы мөдире). Фәнни тикшеренеүҙәре топонимикаға: Башҡортостандың ойконимияһын, гидронимияһын һәм оронимияһын тикшереүгә; башҡ. географик терминдарын башҡа төрки телдәр, шулай уҡ фин-уғыр телдәре һәм иран телдәре менән сағыштырып өйрәнеүгә арналған. К. хеҙмәттәрендә башҡорттарҙың этногенезы, ырыуҙар бүленеше, ҡәбиләләре, хәрби‑сәйәси ойошмалары, тамғалары һ.б. тураһында мәғлүмәттәр бирелә. “Башҡорт АССР‑ының топонимдәр һүҙлеген” (1980) төҙөүселәрҙең береһе.

 Х е ҙ м.: Башкирская топонимия. Уфа, 1994; Башкирские географические термины и топонимия. Уфа, 1997; Атайсал. Уфа, 2001 (авторҙ).

Р.З.Шәкүров

Тәрж. Р.Ә.Сиражитдинов