ХӘБИРОВ Радий Фәрит улы

ХӘБИРОВ Радий Фәрит улы [20.3.1964, БАССР‑ҙың Стәрлетамаҡ районы Һайран а. (БР‑ҙың Ишембай районы)], дәүләт эшмәкәре, Башҡортостан Республикаһы Башлығы. Юридик фәндәр кандидаты (1998). БР‑ҙың атҡаҙанған юрисы (2008). БДУ‑ны тамамлағандан һуң (1989) шунда уҡ эшләй: уҡытыусы, 1998 й. алып юридик факультет деканы урынбаҫары, 2002 й. — Хоҡуҡ институты директоры. 2003 й. башлап БР Президенты Хакимиәте етәксеһе. 2008 й. алып РФ Федераль йыйылышы һәм сәйәси партиялар менән үҙ‑ара эш итеү департаменты начальнигы, 2009 й. — РФ Президенты идаралығы начальнигының эске сәйәсәт буйынса урынбаҫары. 2017 й. башлап Мәскәү өлкәһе Красногорск ҡ. округы башлығы. 2018 й. алып БР Башлығы вазифаһын ваҡытлыса башҡарыусы, 2019 й. — БР Башлығы, бер үк ваҡытта 2018–20 йй. Башҡортостан Республикаһы Хөкүмәте премьер‑министры. Фәнни тикшеренеүҙәре тәбиғәт ресурстары, аграр, экологик һәм муниципаль хоҡуҡҡа арналған. Александр Невский (2021), Почёт (2012), “Бурысҡа тоғролоҡ” (Ҡырым Республикаһы; 2015) ордендары менән бүләкләнгән.

Тәрж. Ә.Н.Аҡбутина