Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ЙЫЙЫЛМА ТИМЕР-БЕТОН ҺӘМ БЕТОН КОНСТРУКЦИЯЛАР ҺӘМ ИЗДЕЛИЕЛАР СӘНӘҒӘТЕ

Просмотров: 1097

ЙЫЙЫЛМА ТИМЕР‑БЕТОН ҺӘМ БЕТОН КОНСТРУКЦИЯЛАР ҺӘМ ИЗДЕЛИЕЛАР СӘНӘҒӘТЕ, төҙөлөш материалдары сәнәғәте тармағы. Бетон һәм тимербетондан йыйылма конструкциялар һәм изделиелар (төҙөлөш урҙалары, свайҙар, бағаналар, тоташтырғыстар, баҫмалар, баҫҡыс марштары һәм майҙансыҡтары, ҡойо өлөштәре, торба быуындары, керамзит‑бетон панелдәр, эре панелле конструкциялар һ.б.) сығара. Башҡортостанда тимербетон конструкциялар етештереү 20 б. 40‑сы йй. төҙөлөш ойошмаларының ярҙамсы пр‑тиелары базаһында башлана. Тәүгеләрҙән булып Күмертау тимер-бетон заводы, Октябрьский тимер-бетон конструкциялар заводы, Өфө тимербетон заводы №1, Стәрлетамаҡ тимербетон заводы №1, Тимербетон конструкциялар һәм төҙөлөш деталдәре заводы төҙөлә. 50‑се йй. аҙ. респ. 12 ҙур тимер‑бетон заводы эшләй. 1960 й. Салауат тимербетон заводы, 1991 й. Нефтекама тимер‑бетон изделиелар з‑ды (ҡара: Тимербетон изделиелар заводы) нигеҙ һалына. 1964 й. тармаҡ пр‑тиелары м‑н идара итеүҙе камиллаштырыу маҡсатында Өфө тимер-бетон заводы №2 базаһында “Башжелезобетон” ПБ (ҡара: “Башстройконструкция”) ойошторола. 2004 й. тармаҡта 65 пр‑тие һәм производство була, ш. иҫ. “Железобетон” ЯСЙ, Мәләүез тимербетон конструкциялар заводы. Төҙөлөш материалдары етештереүҙең дөйөм күләмендә тармаҡтың өлөшө 44,6% тәшкил итә. Йыйылма тимер‑бетон конструкциялар һәм изделиелар етештереү күләме (мең м3): 1940 й. — 494, 1960 — 511, 1980 — 1682, 2000 — 601, 2004 — 647, 2010 — 548, 2011 — 687. Тармаҡ өсөн белгестәр ӨДНТУ‑ла әҙерләнә.

И.В.Лаврешина

Тәрж. Г.Ҡ.Ҡунафина

Дата публикации: 10.10.2019
Дата последнего обновления публикации: 17.10.2019
Связанные темы рубрикатора:
Связанные статьи: