Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

АКСАКОВ С.Т. ИСЕМЕНДӘГЕ ШИФАХАНА

Просмотров: 1505

АКСАКОВ С.Т. ИСЕМЕНДӘГЕ ШИФАХАНА. БР‑ҙың Бәләбәй р‑нында, Бәләбәй ҡ. 10 км алыҫлыҡта Аксаков а. эргәһендә урынлашҡан. Климаты континенталь, ҡыш уртаса һалҡын (ғин. уртаса т‑ра —17°С), йәй йылы (июлдә уртаса т‑ра 20°С). 1890 й. О.Г.Аксакова (С.Т.Аксаковтың ейәнсәре) тарафынан хосуси ҡымыҙ дауаханаһы булараҡ асыла, 1925 й. алып С.Т.Аксаков ис. респ. туберкулёзға ҡаршы миҙгелле, 1939 й. — йыл әйләнәһенә эшләгән шифахана (1941—45 йй. 4019‑сы хәрби госпиталь), 1960 й. башлап РФ Һаулыҡ һаҡлау министрлығының, 2005 й. — РФ Һаулыҡ һаҡлау һәм соц. үҫеш министрлығының туберкулёзға ҡаршы ҡымыҙ м‑н дауалау шифаханаһы. Тын алыу ағзалары туберкулёзын дауалау өсөн тәғәйенләнгән. Шифахана 160 урынға иҫәпләнгән (2009). Төп дауалау факторҙары: климат һәм ҡымыҙ. Диетотерапия, дауалау физкультураһы, физиотерапия ҡулланыла, туберкулёзға ҡаршы препараттар м‑н үҙенсәлекле химиотерапия, патогенетик һәм реабилитацион дауалау үткәрелә. Ҡымыҙ етештереү цехы эшләй.

Әҙәб.: Газизов Ф.Г. Санаторий им. С.Т.Аксакова. Уфа, 1989; Шамаев А.Г. Кумыс. М., 2000.

Н.Т.Ибраһимов

Тәрж. Г.Ҡ.Ҡунафина

Дата публикации: 10.10.2019
Дата последнего обновления публикации: 17.10.2019
Связанные темы рубрикатора:
Связанные статьи: