СПИВАК Семён Израилевич
СПИВАК Семён Израилевич (4.2.1945, Днепропетровск ҡ. – 25.7.2020, Өфө ҡ.), математик. Физика‑математика фәндәре докторы (1985), профессор (1988). БР‑ҙың атҡаҙанған фән эшмәкәре (1998), РФ юғары мәктәбенең атҡаҙанған хеҙмәткәре (2014), РФ‑тың почётлы юғары профессиональ белем биреү хеҙмәткәре (2008). Новосибирск университетын тамамлағандан һуң (1967) СССР ФА Себер бүлексәһенең Катализ институтында (Новосибирск ҡ.) эшләй. 1976 й. алып Өфөлә: НИИнефтехимда өлкән ғилми хеҙмәткәр, 1985 й. башлап сектор, 1986 й. — БДУ‑ның математик модель әҙерләү кафедраһы, бер үк ваҡытта 1992 й. алып Нефтехимия һәм катализ институтында лаборатория мөдире.
Фәнни тикшеренеүҙәре математик модель әҙерләүгә, химик кинетикаға, термодинамикаға, финанс һәм актуар математикаға, химик, нефтехимик, ферментатив процестарҙы оптималләштереүгә арналған. С. тарафынан кире мәсьәләләрҙе сығарған ваҡытта кинетик һәм термодинамик үлсәүҙәрҙең мәғлүмәтле булыуын анализлау принциптары, параметрҙар вариацияһы ваҡытында химик реакторҙарҙың ҡулайлы режимдарының сифатын һаҡлау шарттары әйтеп бирелә, дөйөм шарттарҙа кинетика һәм термодинамиканың кире мәсьәләләре сығарылыштарының берәү генә булмау проблемаһы хәл ителә.
Х е ҙ м.: Математические модели химической кинетики. М., 1977 (авторҙ.); Обратные задачи формирования молекулярно‑массовых распределений. М., 2004 (авторҙ.).
Тәрж. Р.Ғ.Ғилманов