АКСЁНОВ, Әлшәй р‑нындағы ауыл
АКСЁНОВ, Әлшәй р‑нындағы ауыл, Аксёнов а/с үҙәге; т. юл станцияһы. Район үҙәгенән К.‑Көнб. табан 39 км алыҫлыҡта урынлашҡан. Халҡы: 1920 й. — 410 кеше; 1939 — 1208; 1959 — 2015; 1989 — 1147; 2002 — 1161; 2010 — 1047 кеше. Татарҙар, башҡорттар, урыҫтар, сыуаштар йәшәй (2002). А. “Аксаковнефть” НГДУ‑һының бүлеп биреү нефть базаһы, элеватор эшләй. Урта мәктәп, балалар баҡсаһы, амбулатория, мәҙәниәт йорто, китапхана, мәсет бар.
Ауылға 19 б. аҙ. Бәләбәй өйәҙендә Һамар—Златоуст (хәҙ. Куйбышев) т. юлының Кинәле—Өфө участкаһын төҙгән ваҡытта Аксёнов т. юл ст. ҡасабаһы булараҡ нигеҙ һалына. 1976 й. алып ҡала тибындағы ҡасаба, 2005 й. ауыл статусын ала. В.Д.Голиков, И.В.Копейкин, В.И.Никонов ошо ауылда тыуған.
Р.Р.Аҫылғужин
Тәрж. Ә.Н.Аҡбутина