Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ДӘҮЛӘТ ГЕРБЫ

Просмотров: 1807

ДӘҮЛӘТ ГЕРБЫ, дәүләттең геральдика ҡағиҙәләренә ярашлы эшләнгән һәм билдәле тәртиптә раҫланған рәсми эмблемаһы. БАССР-ҙа беренсе тапҡыр 1925 й. раҫлана (ҡара: Гербтар). Д.г. ғәмәлдәге һүрәте 1993 й. 12 окт. “БР-ҙың дәүләт гербы тураһында” БР Законы м-н раҫлана, авторы — рәссам Ф.Ф.Ислахов. БР Конституцияһы һәм 1999 й. 6 июлендәге “Башҡортостан Республикаһының дәүләт символикаһы тураһында” БР Законына ярашлы, БР-ҙың Д.г. милли орнамент м-н уратып алынған түңәрәк эсендәге ҡалҡып килгән ҡояш һәм уның нурҙары фонында төшөрөлгән Салауат Юлаев һәйкәле (скульптор С.Д.Тавасиев) һүрәтенән тора. Аҫтында ҡурай сәскәһе һәм БР дәүләт флагы төҫтәренә буялған таҫма, уның аҡ буйына “Башҡортостан” тип яҙылған. БР Д.г. һүрәтендә Салауат Юлаев һәйкәле һәм орнамент — алтын төҫөндә, ҡурай сәскәһе — йәшел, ҡояш — асыҡ алтын, ҡояш нурҙары — һары, һәйкәл м-н орнамент араһындағы фон — аҡ, эске һәм тышҡы түңәрәктәр ҡарағусҡыл алтын төҫкә буялған. Д.г. БР-ҙың норматив-хоҡуҡи акттарының, БР-ҙың юғары дәүләт органдары ҡарарҙарының рәсми бланкыларында, дәүләт власы органдары биналарының алғы яғында, БР-ҙың ҡиммәтле ҡағыҙҙары, лотерея билеттарында һ.б. һүрәтләнә. Халыҡ алдында Д.г. ихтирамһыҙлыҡ күрһәткән өсөн юридик яуаплылыҡ ҡаралған.

Тәрж. Г.Ҡ.Ҡунафина

Текст статьи на русском языке

Дата публикации: 10.10.2019
Дата последнего обновления публикации: 25.04.2023