Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

АГАДЖАНЯН Николай Александрович

Просмотров: 1376

АГАДЖАНЯН Николай Александрович (28.1.1928, Әзерб. ССР‑ы Хачмас а. — 27.12.2014, Мәскәү ҡ.), физиолог. РФА академигы (2013), Рәсәй медицина ФА академигы (1993), БР ФА‑ның почётлы академигы (1991). Медицина фәндәре докторы (1968), профессор (1970). РФ‑тың атҡаҙанған фән эшмәкәре (1998), РФ‑тың почётлы юғары белем биреү хеҙмәткәре (1997). Дағстан медицина институтын тамамлағандан һуң (1951) Мәскәү ҡ. эшләй: Медицина‑биология проблемалары институтында (1964 й. алып лаборатория мөдире), 1981—98 йй. Рәсәй халыҡтар дуҫлығы университетының нормаль физиология кафедраһы мөдире. Фәнни хеҙмәттәре авиакосмик һәм экологик медицина проблемаларына, бейек тау физиологияһына, биоритмологияға арналған. А. йыһанда, бейек тауҙар һәм Алыҫ Төньяҡ шарттарында адаптация һәм тереклекте тәьмин итеү алымдарын өйрәнгән. РФ Хөкүмәтенең фән һәм техника өлкәһендәге премияһы лауреаты (2007). Ҡыҙыл Йондоҙ (1978), Халыҡтар дуҫлығы (1987), Почёт (2008) ордендары менән бүләкләнгән.

  Х е ҙ м.: Горы и резистентность организма. М., 1970 (авторҙ.); Медицина и космос. М., 1971; Экологическая физиология человека. М., 1999 (авторҙ.).

Р.Ш.Мағазов

Тәрж. Г.Ҡ.Ҡунафина

 

 

Дата публикации: 10.10.2019
Дата последнего обновления публикации: 04.04.2023
Связанные темы рубрикатора:
Шәхестәр:
0