ГВОЗДИКОВА Инга Михайловна

ГВОЗДИКОВА Инга Михайловна (16.8.1937, Краснодар ҡ.), тарихсы. Тарих фәндәре кандидаты (1982). БР‑ҙың атҡаҙанған мәҙәниәт хеҙмәткәре (1998). МДУ‑ны тамамлағандан һуң (1959) БАССР‑ҙың Үҙәк дәүләт архивы бүлеге мөдире, 1971 й. алып ТТӘИ‑лә (1998 й. — өлкән ғилми хеҙмәткәр) эшләй. Фәнни тикшеренеүҙәре 18 б. 2‑се яртыһында — 19 б. 1‑се яртыһында Башҡортостандың социаль‑иҡтисади үҫешенә, Крәҫтиәндәр һуғышына (1773—75), Салауат Юлаевтың тормошо һәм эшмәкәрлегенә, Ырымбур казак ғәскәрҙәре һәм Урал казак ғәскәрҙәре тарихына, археография мәсьәләләренә арналған. Башҡортостан тарихы буйынса 10-ға яҡын доклад йыйынтығы әҙерләүҙә ҡатнаша. “Салауат Юлаев” энциклопедияһын төҙөүсе. 1973 й. алып РФА Археография комиссияһының Көньяҡ Урал бүлегенең яуаплы секретары. Халыҡтар дуҫлығы (2022), Салауат Юлаев (2000) ордендары менән бүләкләнгән.

 Х е ҙ м.: Башкортостан накануне и в годы Крестьянской войны под предводительством Е.И.Пугачёва. Уфа, 1999; Салават Юлаев: исследование документальных источников. 3-е изд., перераб. и доп. Уфа, 2004; Гражданское управление в Оренбургской губернии в первой половине XIX в. Уфа, 2010.

Х.Ф.Усманов

Тәрж. Д.К.Үзбәков