ГАВРИЛОВ Сергей Алексеевич

ГАВРИЛОВ Сергей Алексеевич (20.9.1914, Владимир губернаһы Иваново-Вознесенск ҡ. — 21.5.1983, Өфө ҡ.), конструктор. Техник фәндәр докторы (1978). Социалистик Хеҙмәт Геройы (1975). РСФСР‑ҙың (1974) һәм БАССР‑ҙың (1969) атҡаҙанған фән һәм техника эшмәкәре. Рыбинск авиация институтын тамамлаған (1940). 1941 й. алып ӨМЭЗ‑да эшләй: 1943 й. башлап бүлек начальнигы, 1949 й. — баш конструктор урынбаҫары. 1955 й. алып Өфө машиналар эшләү КБ‑ның (ҡара: “Мотор”) баш конструктор урынбаҫары, 1962—83 йй. баш конструкторы. Г. етәкселегендә истребителдәр, штурм авиацияһы һәм төрлө тәғәйенләнешле пилотһыҙ осоусы аппараттар өсөн авиация двигателдәренең 22 төрө (14‑е сериялы етештереүгә индерелгән) уйлап табыла. СССР‑ҙың Дәүләт премияһы лауреаты (1977). Ленин (1971, 1975), 2‑се дәрәжә Ватан һуғышы (1945), Хеҙмәт Ҡыҙыл Байраҡ (1957, 1959, 1963), Халыҡтар дуҫлығы (1980), “Почёт Билдәһе” (1943) ордендары менән бүләкләнгән. Уның исемендәге премия булдырылған.

 Х е ҙ м.: Исследование влияния щелевого перепуска воздуха над рабочим колесом компрессора на изменение границ автоколебаний лопаток и увеличение газодинамической устойчивости ТРД. М., 1972; Основные вопросы газодинамической доводки компрессора двигателя Р13‑300. М., 1972; Основные характеристики, параметры и конструкция камер сгорания двигателей Р13‑300, Р13Ф‑300 и Р25‑300. М., 1975.

И.Ғ.Кәримова

Тәрж. Г.Ҡ.Ҡунафина